Премиерот Христијан Мицкоски денеска изјави дека за каков било договор меѓу Македонија и Бугарија е неопходна волја од двете страни, потенцирајќи дека „за танго се потребни двајца“.
Неговата изјава доаѓа како одговор на новинарски прашања во врска со најновите одлуки на бугарската Влада, вклучително и прекинувањето на железничкото поврзување меѓу двете земји.
Мицкоски нагласи дека засега не може со сигурност да се каже дали ќе се постигне договор, но истакна дека Владата на Македонија ќе продолжи да работи на подобрување на инфраструктурните и билатералните односи.
„Нашата задача е да работиме, да бараме решенија. Дали ќе има договор или не, зависи од двете страни. Треба да видиме каков ќе биде пристапот од другата страна“, изјави премиерот.
