Возачите на стари автомобили би можеле да се најдат во сериозен проблем при следната посета на бензинска пумпа, бидејќи некои земји веќе воведуваат ригорозни мерки за ограничување на нивната употреба. Веста беше објавена од „hindustantimes“.
Една од најдрастичните мерки досега ја воведе главниот град на Индија – Њу Делхи, каде што властите целосно забранија точење гориво за сите автомобили постари од 15 години. Ова правило, кое стапи на сила на 31 март, значи дека и покрај тоа што овие возила се регистрирани, нивните сопственици практично нема да можат да ги користат.
Целта на оваа одлука, донесена од владата на индиската престолнина, е драстично да се намали загадувањето на воздухот, кое со години претставува огромен проблем за градот со 21,5 милиони жители. Според податоците, оваа забрана опфаќа околу 100.000 регистрирани возила.
За да се осигура дека мерката ќе биде спроведена без исклучоци, сите бензински пумпи во Делхи се опремени со камери и системи со вештачка интелигенција. Овие технологии автоматски ќе детектираат дали возилото е постаро од 15 години и, доколку е така, ќе го оневозможат точењето гориво.
