Една од најголемите фолк ѕвезди на поранешна Југославија, Лепа Брена, на 8 март одржа концерт во Љубљана, во арената „Стожице“.
За Денот на жената, на публиката ѝ приреди спектакуларна вечер, исполнета со емоции и нејзините најголеми хитови уште од времето на „Слатки грех“. Оваа ноќ беше особено трогателна за пејачката, бидејќи неодамна го загуби својот најблизок пријател и соработник, Саша Поповиќ, кој почина на 1 март, а беше погребан на 6 март на Новото бежаниско гробје.
„Беше толку тешко воопшто да започнам да пеам, затоа што се простивме од еден за мене исклучително важен човек, со кого почнав да работам уште во осумдесеттите, односно во 1981 година – Саша Поповиќ. Ние сме професионалци, но кога душата е во болка, морам да признаам, навистина е тешко да се пее“, изјави Лепа Брена.
