Пратеничката од коалицијата ВЛЕН, Имерлије Салиу, која претходно одби да претседава со Комисијата за социјална политика, се огласи на својот Фејсбук профил со јасен став за Законот за бранители.
Таа потенцираше дека сите обиди за повторно ставање на овој закон на дневен ред се залудни, бидејќи позицијата на коалицијата ВЛЕН, како и нејзиниот личен став како член на Комисијата за социјална политика, демографија и млади, се веќе добро познати во јавноста.
„Без вклучување на припадниците на УЧК, овој закон нема да добие зелено светло,“ истакна Салиу во својата објава.
