Државниот пазарен инспекторат затвори осум правни субјекти на 15 дена поради непочитување на владините мерки за регулирање на маржите. Меѓу затворените објекти се три маркети, една аптека и тројца од најголемите увозници на овошје и зеленчук во земјата.
Како што изјави директорот на Инспекторатот, Влатко Стојкоски, при контролите било утврдено дека некои од овие компании применувале маржи и до 70 отсто, што е спротивно на одлуките за заштита на потрошувачите.
„Покрај затворањето, овие субјекти ќе се соочат и со парични казни. Дополнително, во тек е обработка на 30 нови случаи во кои се вклучени најголемите трговски ланци. Инспекциите се спроведуваат континуирано, нашите екипи се постојано на терен и ќе продолжиме со засилени контроли“, изјави Стојкоски на денешната прес-конференција.
