Министерот за здравство, Арбен Таравари, денеска изјави дека не е запознаен со деталите за албанската компанија „Ѓока Констракшн“, која е потенцијален партнер за јавно-приватно партнерство во управувањето со Клиничкиот центар.
Еден од аспектите што најмногу ги засега граѓаните е цената за паркирање во Клиничкиот центар. Во моментов, возачите плаќаат 30 денари за еден час паркирање, но доколку „Ѓока Констракшн“ го преземе стопанисувањето, цената ќе скокне на 50 денари по час.
Министерот оцени дека оваа сума е разумна, имајќи предвид дека на одредени локации во Скопје, како што се паркинзите во централното градско подрачје, цените достигнуваат 100 до 150 денари по час. Според него, паркирањето кај „Нова Македонија“ чини 40 денари, а во „Рамстор мол“ 60 денари, што покажува дека новата тарифа не е значително повисока од другите комерцијални паркинзи во градот.
