Премиерот на Македонија, Христијан Мицкоски кажа дека со парите од Унгарија ќе се помогне на бизнис-секторот и отворањето на нови работни места.
Мицкоски смета дека тоа ќе ги врати младите во Македонија, наместо да ги натера да се иселат од државата.
„Сите проекти ќе донесат повеќе работни места. Кога разговаравме со стопанските комори, поставивме цел од нови 5.000 работни места, но сметаме дека бројката ќе се зголеми двојно. Ова за мене е предизвик и инспирација да побарам нови средства за бизнисот, кој е гладен и сака развој. Младите да не биде како досега, да ги полнат автобусите и да се селат, туку да ги полнат автобусите за да се вратат во Македонија“, кажа Мицкоски.
