Саша Поповиќ, познатиот музичар и основач на „Гранд продукција“, денеска беше испратен на вечното почивалиште на гробиштата во Белград, каде што семејството, пријателите и бројни почитувачи му оддадоа последна почит.
Погребната церемонија се одвиваше во емотивна атмосфера, исполнета со тага, но и со благодарност за сето она што Поповиќ го остави зад себе во светот на музиката.
Во знак на чест и сеќавање, семејството одлучи Поповиќ да биде испратен со музика што му била особено блиска на срцето. Избрана беше песната „Свирци мои“ од реномираниот Звонко Богдан – уметник што Саша длабоко го почитувал и чие творештво му било инспирација.
