Премиерот на канадската провинција Онтарио, Даг Форд, изрази подготвеност да го прекине извозот на електрична енергија во САД, доколку американската администрација ги воведе најавените 25% тарифи за канадските производи.
„Ако некој мисли дека може да го загрози Онтарио, ќе направам сè што е потребно за да го заштитам, вклучително и запирање на испораката на електрична енергија – и тоа со насмевка на лицето“, изјави Форд на рударска конференција во Торонто, пренесува „Торонто Сан“.
Тој повторно го нагласи својот став дека Канада мора да возврати доколку се воведат економски бариери, посочувајќи дека САД се еден од најголемите потрошувачи на канадската електрична енергија.
Форд дури предупреди дека доколку биде неопходно, ќе преземе чекори што би можеле значително да влијаат на производството во САД, потенцирајќи ја важноста на енергетската соработка меѓу двете земји.
