Веста за смртта на Саша Поповиќ длабоко ја потресе целата естрада, оставајќи бројни пријатели, колеги и обожаватели во тага. Според српските медиуми, Поповиќ наводно составил тестамент уште пред неколку години, со цел навреме да го среди наследството и да ја обезбеди својата фамилија.
Како што пренесува „Блиц.рс“, а претходно пишуваше и магазинот „Скандал“, по продажбата на своите акции во продукцијата „Гранд“, Поповиќ започнал да вложува во различни бизниси. Заедно со сопругата Сузана, инвестирал во неколку проекти, со намера да им обезбеди стабилна иднина на своите најблиски.
„Саша беше човек кој секогаш размислуваше однапред. По долги разговори со својот адвокат, решил целокупниот имот да ѝ го довери на својата сопруга Сузана. Таа е помлада од него, но во неа имаше безгранична доверба и беше убеден дека ќе знае како да управува со сето она што го создадоа заедно низ годините“, открил извор близок до семејството за медиумите.
