Портпаролката на руското Министерство за надворешни работи, Марија Захарова, ја прокоментира средбата меѓу американскиот претседател Доналд Трамп и украинскиот претседател Володимир Зеленски, која беше ненадејно прекината поради жестока расправа.
Захарова истакна дека е изненадувачки што Трамп и потпретседателот Џеј Ди Венс останале смирени за време на дебатата со Зеленски. Според неа, нивната реакција покажала „воздржаност“ и самоконтрола во текот на вербалната пресметка во Белата куќа.
„Најголемата лага од сите што Зеленски ги кажал е тврдењето дека во 2022 година бил сам, без поддршка. Начинот на кој Трамп и Венс реагираа, без да дозволат емоциите да ги совладаат, покажува неверојатна воздржаност. Не знам како се воздржаа да не го удрат тоа ѓубре“, напиша Захарова во својата изјава.
