Францускиот претседател Емануел Макрон јасно нагласи дека Русија е агресор во конфликтот со Украина, истакнувајќи ја поддршката за украинскиот народ.
Неговата изјава доаѓа по острата расправа меѓу украинскиот претседател Володимир Зеленски и американскиот претседател Доналд Трамп, која се одржа во Белата куќа на 28 февруари.
„Јасно е кој е агресорот – тоа е Русија, а Украина е народот кој е нападнат“, изјави Макрон за време на неговата официјална посета на Португалија.
Францускиот претседател уште еднаш ја потенцираше поддршката на Франција за Украина, повикувајќи на солидарност и решителност од страна на европските и меѓународните партнери.
