Владиниот потпретседател Изет Меџити денеска одби да ги коментира своите претходни изјави во врска со химната и грбот, откако во претходен контекст изрази став дека би било подобро македонската химна да биде без текст.
Тој истакна дека досега не разговарал со премиерот за можни промени на државните симболи, како и дека моменталниот фокус треба да биде насочен кон други, поважни прашања што се од суштинско значење за државата и граѓаните.
„Во фокус ни е владината програма, каде има утврдени столбови. Нема преговарања во однос на химната, грбот, но нема ни табу теми“, кажа Меџити.
