Државниот ски-центар Попова Шапка денеска предизвика бурни реакции во јавноста со својата одлука да ја одбележи независноста на Косово. Иако објавата со која го најавија ова беше избришана поради силните реакции од граѓаните, фактите остануваат достапни за јавноста.
Очекувано, можно е да следат објаснувања дека организаторот не бил Ски-центарот или дека станува збор за спонтан собир. Но, јавноста веќе виде како на шестоседот на жичарата се вееше огромно знаме на Косово, како и фактот дека некои скијачи со гордост го спуштаа по патеките на една од најубавите македонски планини.
Дополнителен повод за реакција беше и понудениот попуст од 30% по повод овој ден. Подоцна, во обид да се ублажи ситуацијата, беше објавена нова реклама без косовското знаме. Сепак, првичната порака беше јасна и веќе остави впечаток кај македонската јавност.
Со оглед на тоа што вакви потези предизвикуваат оправдано незадоволство, го поставуваме прашањето: Што направи Ски-центарот Попова Шапка за Денот на независноста на Република Македонија? Ако воопшто знаат кој датум е, но ете би можеле барем да упатат честитка.
Јасно е дека некои нема да ја прифатат реалноста и ќе се обидат да ја искриват вистината. Но, приложените докази говорат сами за себе, а јавноста веќе го изрази својот став.
