На 15 февруари 2025 година, околу 22:00 часот, во Секторот за внатрешни работи Скопје било пријавено дека на раскрсницата меѓу улиците „Дринска“ и „Галичица“ се случила тешка сообраќајна несреќа.
Според првичните информации, патничко возило од марката „Ауди“ со скопски регистарски ознаки, управувано од 17-годишен малолетник од Косово, изгубило контрола и удрило во двајца пешаци – 18-годишниот С.И. и 17-годишна малолетничка, двајцата од Скопје.
Во несреќата, С.И. се здобил со тешки телесни повреди, додека малолетничката поминала со полесни повреди. По несреќата, повредените биле пренесени во Градската општа болница „Св. Наум Охридски“, каде што им била укажана медицинска помош, а лекарите ги констатирале нивните повреди.
На местото на настанот извршен бил увид од страна на екипа на СВР Скопје, со цел утврдување на причините за несреќата и околностите под кои таа се случила.
