Српскиот претседател Александар Вучиќ повторно привлече внимание со своите кулинарски активности, споделувајќи видео на својот Инстаграм профил „Иднината на Србија“.
Овој пат, облечен во престилка, тој се посвети на правење сендвичи, што се случи непосредно пред митингот на Српската напредна партија (СНС) во Сремска Митровица.
„Останувам верен на нашата традиција и решив да направам 20 сендвичи. Тоа ќе биде мојот подарок за луѓето што одат во Митровица. Овде барем знаеме кој плаќа, а кој не плаќа. УСАИД и многу други не плаќаат. Затоа ние навистина немаме гозба, но малку мајонез, сирење, малку шунка, мислиме дека луѓето ќе бидат многу задоволни. Ние сендвичарите имаме многу поважна работа – да ја браниме Србија од оние кои сакаат да ја уништат“, кажа Вучиќ.
