Во семејниот стан во Калесија, БиХ, во средата навечер, беа пронајдени две безживотни тела – 37-годишна жена и нејзиниот 13-годишен син. Надлежните институции веднаш започнаа истрага за овој трагичен настан, кој ја потресе целата заедница.
Според информациите од Обвинителството, дежурниот обвинител заедно со истражителите од Секторот за криминалистичка полиција при министерството за внатрешни работи извршиле увид на местото на злосторството. Во тек е интензивна истрага со цел да се утврдат сите околности поврзани со двојното убиство.
Како што соопштија од Обвинителството, за ова кривично дело е осомничен маж кој во моментов е во бегство, а полицијата спроведува широка потрага за негово лоцирање и приведување. Сите релевантни служби се мобилизирани со цел што поскоро расветлување на случајот и приведување на осомничениот пред лицето на правдата.
Според објавите на „Аваз.ба“ и „Кликс.ба“, полицијата во БиХ активно трага по 43-годишниот Емир Селимовиќ, кој е главен осомничен за свирепото убиство на неговата сопруга Инела и нивниот малолетен син.
