Путин го повика Трамп во Москва – ќе преговараат за Украина

Американскиот претседател Доналд Трамп соопшти дека имал „долг и многу продуктивен“ телефонски разговор со рускиот претседател Владимир Путин, при што централни теми биле конфликтот во Украина, состојбата на Блискиот Исток и развојот на вештачката интелигенција.

Во објава на неговата платформа „Truth Social“, Трамп нагласи дека разговорот бил конструктивен и дека двајцата лидери се согласиле за потребата од итно започнување на преговори за мир во Украина.

„Се договоривме да работиме заедно, вклучително и посети на нашите земји. Се договоривме и нашите тимови веднаш да започнат преговори, а ќе започнеме со тоа што ќе го повикаме украинскиот претседател Володимир Зеленски за да го информираме за разговорот, што ќе го направам токму сега. Милиони луѓе настрадаа, не смее да се загуби ниту еден живот повеќе“, објави Трамп.