Градоначалникот на Општина Центар, Горан Герасимовски, во гостувањето во емисијата „Во живо – Програма на градови“ на МРТ1, информираше дека општината презема нова иницијатива за справување со вандализмот на јавната урбана опрема.
Предлогот на Герасимовски предвидува малолетниците кои уништуваат клупи, лулашки и друга урбана инфраструктура да бидат задолжени да ја поправат и повторно да ја постават, како и да ја надоместат штетата.
„Преку општествено корисна работа, малолетните деликвенти, односно оние што имаат уништено дел од урбаната опрема, заедно со родителите да фарбаат клупи, менуваат лулашки, да си ја купат опремата којашто ја оштетиле“, кажа Герасимовски.
