Полициските службеници од сите сектори за внатрешни работи спроведоа засилени сообраќајни контроли на патиштата низ целата држава, при што беа издадени вкупно 909 платни налози за различни прекршоци.
Според податоците на МВР, најголем број од санкционираните прекршувања се однесуваат на пречекорување на дозволената брзина на движење, при што биле евидентирани 270 вакви случаи. Веднаш по нив, со 222 регистрирани прекршоци, се непрописното паркирање и блокирањето на сообраќајните површини.
Меѓу останатите прекршоци, 73 возачи биле затекнати без валидна возачка дозвола, додека 64 лица не го користеле сигурносниот појас за време на возењето.
