Доктор Андон Чибишев на социјалните мрежи објави дека Европските институции за контрола и безбедност на храната алармираат за присутна голема концетрација на жива во конзервирана риба-туна.
„Европските институции за контрола и безбедност на храната алармираат за присутна голема концетрација на жива во конзервирана риба-туна и повикуваат на внимателност и построги контроли на храната која се увезува во земјите на ЕУ.
Некои примероци имале дури 13 пати повисока концентрација на жива од дозволената.
Жувата е тежок метал чии соединенија внесувани во организмот можат да предизвикаат тешки неповратни оштетувања на централниот нервен систем, бубрезите и коскената срцевина. Депонирани во човечкиот организам можат таму да останат со години. Предизвикуваат сериозни оштетувања на мозокот и периферните нерви, компромитирање на функцијата на бубрезите и пореметување во циклусот на зреење на клетките од крвната лоза. Особено се опасни кај мали деца и трудници.
Ги повикувам македонските институции задолжени за безбедност на храната на внимателност“, објави доктор Чибишев.
