Утрово околу 9 часот во Штип, на пешачки премин, била прегазена девојка.
Според информации од „Канал 77“, девојката, чии податоци за идентитетот засега не се познати, била удрена од патничко возило додека преминувала на пешачкиот премин во близина на Дујлето во Штип. Од силниот удар, таа добила повреди и била итно пренесена во Клиничката болница во Штип за понатамошна медицинска помош.
Како што пренесува „Канал 77“, случајни минувачи веднаш се обиделе да ѝ помогнат и повикале Брза Помош. Возачот на возилото се наоѓал на местото на настанот и полицијата веднаш започнала со истрага.
