Тодор Кулаков, таткото на 22-годишната Фросина Кулакова, беше гостин во Дневникот на „Сител ТВ“.
Тој откри дека има информации дека постојат планови за пренос на лицето кое ја прегази неговата ќерка, 20-годишниот Васил Јованов, во друга институција.
„Апелираме ова да се спречи што побрзо. Ако постоеле сериозни сомнежи за неговото здравје или психолошки состојби, тогаш постоела можност да се утврдат претходно. Ова покажува дека ниту тој, ниту неговите родители немаат зрно каење“, изјави Кулаков.
Тој понатаму додаде дека во моментов целото семејство се фокусира на правдата за Фросина и ќе продолжат да се борат за неа, а посочи дека возачот Васил заслужува доживотен затвор.
