Вчера во 17 часот, полициски службеници од СВР Битола спровеле акција во просториите на Клиничката болница во Битола, при што го лишиле од слобода 64-годишниот М.С., лекар на Хируршкото одделение.
Според првичните сознанија, осомничениот се товари за кривично дело „примање поткуп“ согласно член 357 од Кривичниот законик. Наводно, по извршување хируршка интервенција, тој побарал и примил незаконска парична награда од жител на битолскиот регион.
При апсењето, кај лекарот биле пронајдени и одземени обележани банкноти, кои послужиле како доказ во истрагата.
