Украинскиот претседател Володимир Зеленски синоќа, преку објава на социјалните мрежи, изрази став дека рускиот лидер Владимир Путин избегнува мировни преговори и стравува од вистински договор за ставање крај на војната во Украина. Неговата реакција доаѓа откако претседателот на Русија јавно ја отфрли можноста за директен дијалог со Киев.
Според Зеленски, руската стратегија е насочена кон продолжување на конфликтот и избегнување на вистинско решение.
„Путин уште еднаш покажа дека се плаши од вистински мировни преговори и од силни лидери кои му се спротивставуваат. Наместо да бара начин за ставање крај на војната, тој прави сè за таа да продолжи. Русија во 2014 година започна хибридна агресија врз Украина, која во 2022 година ја претвори во целосна инвазија. Сега постои можност да се постигне вистински мир, но Кремљ се обидува да го избегне тоа. Наместо прекин на конфликтот, Путин се обидува или да продолжи со масовните напади или да обезбеди пауза што ќе ја искористи за подготовки за нова, уште поразорна инвазија“, истакна Зеленски.
Today, Putin once again confirmed that he is afraid of negotiations, afraid of strong leaders, and does everything possible to prolong the war. Every move he makes and all his cynical tricks are aimed at making the war endless.
— Volodymyr Zelenskyy / Володимир Зеленський (@ZelenskyyUa) January 28, 2025
In 2014, Russia started a hybrid war against…
