Здружението за заштита на потрошувачите „Ефектива“ упати повик до граѓаните на Србија да се приклучат на бојкот против големите трговски ланци, кој е закажан за петок, 31 јануари, објави „Данас“.
Како главна причина за овој протест, „Ефектива“ го посочува фактот дека цените во Србија се меѓу највисоките во Европа, што создава дополнителен финансиски товар за граѓаните.
Од здружението истакнуваат дека сличен бојкот во Хрватска, насочен против малопродажните синџири, резултирал со значително намалување на нивните приходи, дури за 47 проценти.
