Виктор Николоски, 26-годишен млад човек, е посветен сопруг и горд татко на прекрасно четиримесечно бебе. Неговото семејство неодамна го дочека најголемиот благослов – раѓањето и крштевањето на првото дете. Но, животот, покрај радоста, му донесе и огромен предизвик што никој не би посакал.
Само една недела по крштевањето на своето дете, Виктор беше соочен со страшна дијагноза – тумор на мозокот. Оваа вест го промени текот на неговиот живот и го потресе целото семејство.
За да има шанса за излекување и да продолжи да биде со своето дете и сопруга, неопходна е итна операција која може да се изврши во специјализирана клиника во Турција.
„Трошоците за операцијата, патувањето и лекувањето се огромни и не можеме да ги покриеме без ваша помош. Апелираме до сите хумани луѓе да се вклучат во оваа битка и да му дадат на Виктор шанса да продолжи да го гледа растењето на своето дете.
Секоја донација, без разлика на износот, е од огромна важност! Доколку не сте во можност да донирате, ве молиме споделете го апелот за да стигне до што повеќе луѓе.
Виктор верува дека со ваша помош и поддршка ќе ја добие оваа животна битка. Да му помогнеме да остане столбот на своето семејство и да има светла иднина!
Од срце, Ви благодараме!“, вели сопругата Александра Николоска.
