Синдикатите и стопанствениците имаат спротивставени мислења во однос на предлогот за зголемување на минималната плата на 500 евра. Работниците сметаат дека оваа промена е клучна за обезбедување пристоен живот, додека компаниите условуваат вакво зголемување со задржување на постојните придонеси.
Конфедерацијата на синдикални организации (КСО) силно ја поддржува иницијативата за минимална плата од 500 евра, оценувајќи ја како основен предуслов за достоинствен стандард на граѓаните.
Од друга страна, компаниите покажуваат подготвеност за ваков чекор, но само ако придонесите останат непроменети. Бизнис-секторот предупредува дека зголемувањето на минималната плата без фискални олеснувања би довело до значително зголемување на нивните трошоци, што би можело да се одрази на нивната одржливост.
