Антонио Пандовски од Прилеп оваа година се подготвува да го реализира својот најголем животен сон – пеш и трчајќи да го помине патот од Ниш до Манастирот Свети Василиј Острошки во Црна Гора.
Ова патување, кое претставува вистински подвиг, има длабока хумана и емотивна цел. Антонио планира да го посвети својот напор на споменот за своите родители, кои веќе не се меѓу нас. Дополнително, неговата мисија е да помогне на децата кои се борат со канцер, со собирање финансиски средства што ќе им помогнат во нивното лекување.
„Сакам со вас да ја споделам мојата најголема животна желба и цек тоа е трчање-пешачење до Манастир Острог во чест на моите родители кои веќе не се меѓу нас… Овај подвиг ќе го реализирам во Јули месец оваа година ако биде се како што треба и оди се по план. 
Исто така овај подвиг сакам да биде и како хуманитарен подвиг собирање на средства за деца кои боледуваат од канцер. Сакам да се соединиме сите и да покажеме дека сме хумана држава. Јавно барам некоја фондација да се вклучи во овој мој проект и да направиме се што можеме да им овозможиме на нашите мали херои подобар живот. Исто така ако има некој што сака да се вклучи како пратња да ми озвомозжи полесно трчање во овај подвиг поготово велосипедиста слободно нека ме контактира. Детали наскоро… ЗА НАШИТЕ МАЛИ ХЕРОИ“, објави Антонио.
