Претседателот на Србија, Александар Вучиќ, синоќа истакна дека „вистинската сила на Србија лежи во нејзината независност и дека таа мора да се заштити по секоја цена“.
„Не е случајно што Србија се соочува со напади однадвор. Нашата задача е да ја анализираме геополитичката ситуација и да ги зачуваме автономијата и суверенитетот на нашата земја. Некои сакаат да нè вратат во 2000 година, кога Србија беше во потчинета положба, кога други одлучуваа во наше име. Тие велат дека не можеме да бидеме независна држава, сакаат да ни наложат како и кога да делуваме, вклучително и наметнување санкции,“ изјави Вучиќ на собирот во Јагодина, кој беше организиран по повод формирањето на движењето „За народот и државата“.
Тој нагласи дека Србија денеска е држава која ја гради својата политика врз основа на сопствените интереси, а не под диктат на надворешни сили.
