Во Јагодина вечерва се одржа митинг по повод основањето на Движењето за народот и државата.
На настанот, српскиот претседател Александар Вучиќ изјави дека е длабоко трогнат од огромниот број граѓани кои се собраа за да ја покажат својата решителност во зачувувањето на Србија, пренесува агенцијата Анадолија.
Овој собир се одржа како одговор на протестите и штрајкот што ги организираат студентите.
„Бев на работ да се расплачам кога го видов овој огромен број луѓе кои искрено ја сакаат и ја бранат Србија. Нашиот народ добро знае дека земјата е подложена на напади, како однадвор така и одвнатре. Народот знае кога е време да ги поддржи оние кои се борат за Србија. Гледаме притисоци врз нашиот народ во Косово, обиди за протерување на Србите, но Србија ќе се избори“, изјави Вучиќ.
