Грипот не е единствениот вирус што предизвикува респираторни инфекции. Покрај него, постојат и други патогени како што се риновирусот, вирусот на Ковид-19, аденовирусите и вирусите кои предизвикуваат настинка. Затоа, само врз основа на клиничката слика не можеме секогаш со сигурност да утврдиме за кој вирус станува збор, објаснува д-р Димитријевиќ за „РТС“.
Важно е да се посвети внимание на симптомите кои може да укажуваат на сериозноста на состојбата. Доколку почувствувате некои од следниве симптоми, веднаш побарајте медицинска помош и не го игнорирајте проблемот со надеж дека „ќе помине само од себе“.
„Симптоми како што се изразена слабост, замор, болки во зглобовите и мускулите кои ве принудуваат да останете во кревет, отежнато или плитко дишење, болки во градите, како и покачена температура која трае подолг период (два или три дена), се знаци дека треба веднаш да се консултирате со лекар“, кажа докторот.
