Директорот на Службата за општи и заеднички работи (СОЗР), Ивица Томовски, истакна дека постои итна потреба од набавка на нов државен авион, дури и половен, за службените патувања на владините функционери.
„Ако сакаме да бидеме препознаени како сериозна и организирана држава, мораме да инвестираме во модерен и функционален воздухоплов,“ изјави Томовски во интервју за „360 Степени“.
Тој посочи дека сегашниот авион, кој е стар околу дваесет години, има капацитет од само шест седишта, што го прави несоодветен за превоз на поголеми делегации. Покрај тоа, неговата честата механичка неисправност претставува дополнителен проблем, кој ги отежнува службените патувања и создава дополнителни трошоци за поправки.
„Со оглед на актуелните потреби, сметам дека набавката на авион што ќе одговара на стандардите е неопходна. Дури и да е половен, важно е да биде релативно нов, стар не повеќе од две или три години“, кажа Томовски.
