Поради растот на цените во трговските синџири, на социјалните мрежи во Хрватска започна иницијатива за бојкот на купувањето на одреден ден.
Овој повик, кој привлече големо внимание во Хрватска, но и во регионот, ги повикува граѓаните да се приклучат кон протестот на 24 јануари. Суштината на пораката која кружи на социјалните мрежи е јасна:
„На 24 јануари во Хрватска е планиран бојкот на високите цени на храната. Апелираме до сите граѓани тој ден да не купуваат апсолутно ништо, како што тоа го правиме за време на недела или празник. Доколку 10% од населението се одлучи за бојкот, тоа ќе биде значителен удар за трговските синџири, кои нема да можат да ги игнорираат последиците. Ние, како потрошувачи, нема да изгубиме ништо ако не купуваме еден ден, но за нив тоа ќе биде значајна загуба. Ова не е прашање на политика, туку на општествена солидарност и одбрана на правото на достапни цени. Ширете ја пораката и мотивирајте што е можно повеќе луѓе да се приклучат кон оваа акција“, се наведува во објавата која масовно ја споделуваат хрватските граѓани преку Фејсбук.
