Израел нема да пристапи кон спроведување на договорот за прекин на огнот се додека не добие детален список од 33 заложници што Хамас се обврза да ги ослободи во првата фаза, изјави израелскиот премиер Бенјамин Нетанјаху.
„Ќе останеме на својата позиција – спроведувањето на договорот нема да започне сè додека не го добиеме договорениот список со имињата на заложниците кои треба да бидат ослободени. Израел нема да толерира никакво одложување или прекршување на постигнатиот договор. Одговорноста за негово почитување е исклучиво на Хамас,“ стои во официјалното соопштение на Нетанјаху.
Нетанјаху истакна дека владата на Израел е подготвена да ги исполни своите обврски од договорот, но само доколку Хамас ги почитува своите ветувања.
