Завршена е првата фаза од железничката пруга кон Бугарија, а делницата Куманово – Бељаковце официјално е пуштена во употреба. Железничката линија, со должина од 31 километар, претставува значаен чекор кон подобрување на инфраструктурната поврзаност со соседна Бугарија.
Првите патници во возот беа премиерот и дел од владините министри, кои ја истакнаа важноста на овој проект за економскиот и транспортниот развој на регионот.
Премиерот Христијан Мицкоски изјави дека наскоро железничката мрежа ќе биде продолжена до самата граница со Бугарија, со што ќе се заокружи една од најважните инфраструктурни иницијативи во земјата.
