Mинистерот за внатрешни работи, Панче Тошковски од собраниската говорница видно револтиран, упати остра критика кон пратениците од опозицијата, обвинувајќи ги за манипулации и селективен пристап кон етничките заедници во Македонија.
„Дали барем еднаш сте покажале загриженост и сте поставиле прашање за чувствата и гордоста на Србите кои живеат во Македонија? Еве, не мора да зборуваме само за Србите – што е со другите етнички заедници? Може ли еднаш да зборувате и за Македонците? За Србите? За Турците? За Бошњаците? Во вашите говори, никогаш не сте ги спомнале. Никогаш не сте се осврнале на нив. А потоа нè обвинувате нас за селективност. Зарем не ви е срам? Зарем не ви е срам да манипулирате толку грубо и да ја дефокусирате македонската јавност?“, изјави министерот Тошковски, со јасна осуда на однесувањето на опозицијата.
