Македонија освои само бод против фаворитот Унгарија, иако на 35 секунди пред крајот имаше водство и напад за победа.
Селекторот Кире Лазаров, без разлика на пропуштената победа, е горд на ракометарите за одличниот старт на Светското првенство (СП) во ракомет.
„Мислам дека треба да бидеме задоволни, иако можам да кажам дека пропуштивме готова победа. Нашите играчи по тајм-аутот не знаеја да направат прекршок, неискуството на нашите играчи се покажа во последниот напад. Доколку направевме такво нешто, можеби ќе победевме во мечот. Ѝ благодарам на Фалангата која ни даде голема енергија. Можам да кажам дека Холандија е многу побрза репрезентација од Унгарија, има периоди кога не прават измени за време на натпреварите, па така очекувам потежок натпревар од овој“, кажа Лазаров.
