Хрватската ракометна федерација го претстави официјалниот кодекс на однесување за навивачите кои ќе присуствуваат на натпреварите од Светското првенство во градовите Пореч, Вараждин и Загреб.
Очекувањата се дека повеќе од 1.000 македонски навивачи ќе бидат дел од трибините во „Вараждин Арена“ за време на трите натпревари на македонската репрезентација. Организаторите, во координација со полицијата, информираа дека во арените ќе биде дозволено внесување исклучиво на официјални знамиња.
Знамињата мора да бидат со максимални димензии од 2 x 1,5 метри, а нивното поставување не смее да им го попречува погледот на другите гледачи и да го нарушува нивното искуство при следење на натпреварите.
Листата на забранети предмети за внесување во салите може да ја прочитате ТУКА, додека деталите за внесувањето на знамињата може да ги погледнете ТУКА.
