На 5 јануари 2025 година, во 21:30 часот, во СВР Охрид било пријавено дека пред семејниот дом на С.В. (50) од Охрид, лоциран на улицата „Париска комуна“, избувнал пожар кој го зафатил нејзиното патничко возило „БМВ Х3“ со охридски регистарски ознаки.
Пожарот бил успешно изгаснат, а за среќа, нема повредени лица. На местото на настанот веднаш пристигнала полициска екипа од СВР Охрид која извршила детален увид. По налог на јавен обвинител, оштетеното возило било пренесено во кругот на СВР Охрид за понатамошна анализа и утврдување на причините за пожарот.
Надлежните органи веќе преземаат активности за расветлување на случајот.
