Кристијан Митковски е прогласен за најдобар полицаец за 2024 година во општина Гази Баба, признание кое го добива за неговата посветеност и исклучителни резултати во работата.
Градоначалникот на Општина Гази Баба утринава одржа средба со Митковски и командирот на полициската станица од општа надлежност во Гази Баба, Саше Стоилевски. На средбата беше истакнато значењето на овој успех не само за полицаецот, туку и за целокупната полициска служба во општината.
Митковски се издвојува како пример за професионализам и ефикасност, особено во откривањето на кривични дела и успешно расветлување на случаи на нарушување на јавниот ред и мир.
