Пред почетокот на празниците ни доаѓа прекрасна вест од Неготино, каде што ресторанот „Ја, Тате и Бате“ реши да подготви вечера за 300 сиромашни за Бадник.
Ресторанот е во сопственост на семејството Ганчеви, односно таткото Дуле работи со синовите Христијан и Блаже, објави „Tv Star – Телевизија Стар“.
„Подготвуваме оброк за социјалнозагрозени семејства, за деца со посебни потреби, кој сака може да дојде во гостилница или да ни се јави на телефон за да му доставиме храна до домот“, вели Дуле во разговор за „Tv Star – Телевизија Стар“.
