Министерот за внатрешни работи, Панче Тошковски, изјави дека не е утврдена одговорност ниту прекршување на стандардно-оперативните процедури од страна на полицаецот кој на Денот на албанското знаме го симна албанското знаме од бандера.
„Одделот за внатрешна контрола спроведе истрага за настанот. Според досега утврдените факти, не е констатирано дека полицаецот постапил спротивно на процедурите и правилниците на Министерството за внатрешни работи. Сепак, доколку излезат нови информации, дополнително ќе се разгледаат сите околности,“ изјави Тошковски.
