На денешната свечена церемонија, одржана во големата сала на Советот на Град Скопје, беа доделени наградите за најуспешните спортисти, спортистки и тренери за 2024 година.
Највисокото признание го понесе Бобан Илиоски, прогласен за најуспешен спортист во сениорска категорија, што претставува потврда за неговите извонредни спортски достигнувања и посветеност.
Илиоски, член на кикбокс клубот „Шампион“, по вторпат се закити со ова престижно признание, дополнително зацврстувајќи ја својата позиција како лидер во македонскиот спорт. Неговите напори и резултати оставија траен впечаток и беа инспирација за младите спортисти.
На второто место се пласира атлетичарот Дарио Ивановски, познат по своите извонредни настапи на национални и меѓународни натпревари, додека третото место му припадна на шахистот Тони Лазов.
