Во основно училиште во Загреб, во трагичен напад со нож, животот го загуби едно дете, а шест ученици и една учителка се повредени. Нападот бил извршен од 19-годишно момче, кој по злосторството си нанел и себеси повреди.
Хрватското Министерство за здравство потврди дека во инцидентот биле ранети вкупно осум лица, од кои едно дете подлегнало на повредите. Учителката која е меѓу повредените се наоѓа во критична состојба и се бори за живот.
„Утрово, околу 9:50 часот, 19-годишен хрватски државјанин нападнал учителка и неколку ученици со остар предмет во образовна установа на подрачјето на Пречко. Напаѓачот е приведен и под надзор на полицијата,“ соопшти загрепската полиција.
