На 16.12.2024, полициски службеници од СВР Скопје ги лишиле од слобода А.А.(27) и еден малолетник, двајцата жители на Скопје. Тие се осомничени дека околу 13.00 часот се обиделе да извршат разбојништво во филијала на една банка во скопската општина Чаир.
Според првичните информации, за време на обидот биле испукани неколку куршуми од огнено оружје кон блиндор стаклото на банката. За среќа, во инцидентот нема повредени лица.
По извршувањето на кривичното дело, А.А. бил забележан во непосредна близина на местото на настанот и веднаш бил приведен од страна на полицијата.
По интензивна потрага и спроведени оперативни мерки, бил лоциран и приведен и малолетникот, кој се сомничи дека бил соучесник во обидот за разбојништво. При неговото апсење, полицијата пронашла нож, кој се верува дека можел да биде искористен за време на инцидентот.
