Во полициска акција спроведена во Струга и Гостивар, уапсени се четворица осомничени за тероризам, информираше Министерството за внатрешни работи. Приведените се македонски државјани, против кои веќе се поднесени кривични пријави за наводно членство во терористичка организација.
Министерот за внатрешни работи, Панче Тошковски, изјави дека уапсените лица биле дел од поголема мрежа и остварувале соработка со други лица кои не се наоѓаат на територијата на Македонија.
Според него, акцијата е резултат на детално и долгогодишно следење од страна на безбедносните служби.
