Домарају Гукеш вчера го освои врвот на светскиот шах и испиша историја како најмладиот светски шампион досега. Овој талентиран млад шахист од Индија, кој ја воодушеви шаховската јавност со својот подвиг, пред три години беше дел од македонската шаховска сцена како член на Шаховскиот клуб Прилеп.
Во 2019 година, тогаш 15-годишниот индиски велемајстор настапи на Европскиот шаховски клупски куп кој се одржа во Струга. Со својот извонреден настап, тој стана сензација на турнирот, надминувајќи ги сите очекувања. Гукеш одигра седум партии на првата табла против врвни шахисти, без ниту еден пораз. Постигна четири победи и три ремија, што го направи најдобар меѓу 277 натпреварувачи од 38 клуба, претставници на 37 држави.
Само три години подоцна, Гукеш уште еднаш ја покажа својата величина, постигнувајќи подвиг што претходно се сметаше за недостижен. Со само 18 години, тој ја освои титулата светски шампион, рушејќи го рекордот на легендарниот Гари Каспаров, кој ја доби својата прва светска титула на 22 години.
