Во текот на акцијата на Министерството за внатрешни работи, која започна во неделата и сè уште трае, се откри дека поранешен функционер на Демократската унија за интеграција (ДУИ) ја пробил операцијата со пренесување доверливи информации до криминални групи, објави „Плусинфо“.
Станува збор за обемна полициска акција насочена кон разбивање на насилни криминални групи кои дејствуваат во Скопје и други градови низ земјата. Според извори, акцијата, која првично била планирана за вторник, морала да биде започната порано, односно во неделата вечер, откако информациите биле пренесени во криминалните кругови.
Целта на акцијата се криминални структури главно поврзани со населбите Арачиново, Дуќанџик и Грчец. Веќе има приведени лица, од кои дел признале сериозни кривични дела, вклучувајќи убиства и други тешки злосторства.
Според информациите кои ги објави „Плусинфо“ се открива дека поранешниот функционер на ДУИ, којшто наводно ги пренел критичните податоци, исто така ќе биде вклучен во истрагата и ќе се соочи со соодветни законски мерки. Акцијата продолжува, а властите се решени да се справат со криминалните групи и да го заштитат јавниот ред и мир.
