Синоќа, на подрачјето на Транспортниот центар во Скопје, полициски службеници го приведоа Ц.Ш. (47) од Република Албанија, кој се сомничи дека извршил кражба во автобус на ЈСП Скопје.
Според информациите од полицијата, осомничениот, наводно, од чанти на две жени од Скопје украл паричници.
„Со осомничениот беше извршен службен разговор, по што тој е задржан во полициската станица. По целосно документирање на случајот и во соработка со јавен обвинител, ќе биде поднесена соодветна кривична пријава,“ информираат од Министерството за внатрешни работи.
Полицијата работи на расчистување на случајот, а во тек се активности за целосно утврдување на сите околности поврзани со делото.
